«Gene BY» — сэнсавы пазл з двух архіваў: традыцыйных народных арнаментаў і асабістых здымкаў, узятых з беларускіх сайтаў, якія людзі выкарыстоўваюць для набыцця і продажу былых у выкарыстанні рэчаў. Чужыя фатаграфіі з замаскаванымі, схаванымі тварамі зацікавілі мяне як матэрыял, які дазваляе зрабіць выснову пра самапрэзентацыю сучаснага жыхара Беларусі. Я пакінула некранутым фармат і кадраванне выяваў, з’яднаўшы гэты архіў з сімваламі, сакральныя веды пра якія ў нашыя дні часта застаюцца недаступнымі, незапатрабаванымі. Арнамент у серыі з’явіўся ў выніку маёй зацікаўленасці беларускай аўтэнтыкаю, святарнымі значэннямі “тутэйшай” сімволікі ды доследамі таго, як сучасная культура замяняе сёння месца “знаку”. Для стварэння серыі я выбрала тэхналогію «paper transfer print» — спосаб літаграфічнага друку з выкарыстаннем гуміарабіку і чорна-белых папяровых выяваў, якія служаць асноваю для нанясення пігменту. Тэхналогія друку дала магчымасць з’яднаць абедзве візуальныя мовы ў адным выказванні, але ўжо з іншым значэннем, адкрытым для інтэрпрэтацыяў.