Выбраныя даты:

2 (15) студзеня 1908

Нарадзіўся ў вёсцы Малчаны (Расійская імперыя, цяпер у межах вёскі Застадолле, Сенненскі раён Віцебскай вобласці Рэспублікі Беларусь) у яўрэйскай сям'і.

1921-1922

Вучыўся ў прыватнай студыі Юдэля Пэна.

1925

Скончыў Беларускі мастацкі тэхнікум (цяпер Віцебскае мастацкае вучылішча).

1925-1928

Вучыўся ў Мастацка-тэхнічным інстытуце ў Ленінградзе (цяпер Санкт-Пецярбург).

1928-1929

Вучыўся ў Кіеўскім мастацкім інстытуце (цяпер Нацыянальная акадэмія выяўленчага мастацтва і архітэктуры) і Тбіліскай акадэміі мастацтваў.

1930

З гэтага часу вёў сваю творчую дзейнасць у Мінску.

1941

Працаваў у Гомелі ілюстратарам плаката-газеты "Раздавім фашысцкую гадзіну", а таксама супрацоўнічаў у франтавым друку.

1942-1944

Працаваў пры Цэнтральным штабе партызанскага руху ў Маскве. Пасля вызвалення Беларусі вярнуўся ў Мінск , дзе працаваў галоўным мастаком Дома Урада.

1943

Уступіў ва Ўсесаюзную камуністычную партыю бальшавікоў.

1944

Прысвоена званне Народнага мастака БССР.

1947-1967

З'яўляўся дэпутатам Вярхоўнай Cаветы БССР.

1958

Прысвоена званне акадэміка Акадэміі мастацтваў СССР. Уступіў у Саюз мастакоў СССР.

1968

Быў абраны намеснікам старшыні Беларускага рэспубліканскага камітэта абароны міру.

1969

Узнагароджаны медалём Савецкага фонду міру і залатым медалём "Змагар за мір".

1973

Выбраны старшынёй Беларускага рэспубліканскага камітэта садзейнічання Савецкаму фонду міру.

1980

Стаў кіраўніком творчай майстэрні Акадэміі мастацтваў СССР на аддзяленні скульптуры ў Менску.

18 лютага 1995

Памёр у Мінску. Пахаваны на Усходніх могілках.