Курс лекцый аб сучасным мастацтве, падрыхтаваны для студэнта_к беларускіх мастацкіх устаноў. Факультатыў з пачатку 2015 года з'яўляецца часткай/рубрыкай платформы KALEKTAR.

ФАК уяўляе сабой дыстанцыйны факультатыў па тэорыі і гісторыі сучаснага мастацтва. Праект створаны ў 2014 годзе спецыяльна для студэнтаў Беларускай дзяржаўнай акадэміі мастацтваў, але разлічаны ў тым ліку на вучняў іншых адукацыйных мастацкіх устаноў Беларусі, а таксама маладых і практыкуючых спецыялістаў у галіне сучаснага мастацтва. Факультатыў прадстаўляе абмеркаванне практык, метадалогій, месцы мастака ў сістэме сацыяльных і культурных адносін. У форме кароткіх урокаў стваральнікі факультатыва і запрошаныя аўтары расказваюць пра сістэму сучаснага мастацтва, а таксама аргументуюць крытыку кансерватыўнасці і рэакцыйнасці мастацкай адукацыі ў Беларусі.

Факультатыў створаны беларускім куратарам Аляксеем Барысенкам, куратаркай з Расіі Марыяй Катлячковай і беларускім мастаком і куратарам Сяргеем Шабохіным (па яго ініцыятыве) восенню 2014 года. ФАК першапачаткова быў запушчаны як інтэрнет-блог на платформе tumblr.com.

-

Выбраныя даты:

Восень 2014

Факультатыў створаны як інтэрнет-блог на платформе tumblr.com.

З сакавіка 2015

Факультатыў інтэграваны ў інфармацыйную сістэму платформы KALEKTAR.

2020

Было прынята рашэнне і пачаты праект па рэарганізацыі платформы і партала пры падтрымцы партнёра платформы фонду Rönne Stiftung з Берліна.

Студзень 2022

Факультатыў стаў рубрыкай часопіса KALEKTAR.