Выбраныя даты:

1958

Нарадзіўся ў Мінску (БССР, сёння Рэспубліка Беларусь).

1999

У часопісе “Фрагмэнты” №3-4 выйшаў артыкул Максіма Жбанкова “Культура сьмецьця” і “сьмецьце культуры”, які стаў праграмным у асяродзьдзі інтэлектуалаў. У сваёй працы Максім апісвае крызіс беларускай культуры, адзінай стратэгіяй для мастака і інтэлектуала ў такой сітуацыі ён бачыць - працу са "смеццем", г.зн. са штампамі і трэндамі масавай культуры. Ён піша: “Сьмецьце” – апрычоны набор чыстых магчымасьцяў, палітра культуратворчасьці. Гэткі архіў стварае ўмовы для ролявых культурных экспэрымэнтаў, выбудовы ўласнага культурнага асяроддзя з пазычанага матэрыялу. Гэта - стратегія старызьніка».

2013

Выйшла першая кніга Максіма Жбанкова “No style. Белкульт паміж Вудстокам і Дажынкі. Гэта зборнік артыкулаў і эсэ, напісаных у перыяд з 2000 па 2010 год, у якіх ён даследуе сучасную беларускую культуру. "No style" на думку Максіма Жбанкова з'яўляецца важнай характарыстыкай сучаснай нам культуры: "No style" - гэта, з аднаго боку, смерць канонам, з другога боку, рэальная стартавая пляцоўка. Ужо зараз, на нашых вачах, насуперак таму, што мы аб іх думаем, узнікаюць новыя абрысы беларускай культуры: парадаксальнай, нелінейнай, далёкай ад нашых надзей і ідэалаў. І гэта выдатна!».

2003

У суаўтарстве была выдадзена кніга "Беларусь: сцэнары рэформаў".

Выкладчыцкая дзейнасць:

З 1986

Выкладаў у Беларускім Дзяржаўным Універсітэце філасофію.

З 1997

Выкладае ў Беларускім Калегіюме.

Да 2014

Быў выкладчыкам у Еўрапейскім гуманітарным універсітэце ў Вільні (Літва).

-

• Аўтар шматлікіх артыкулаў у часопісы "pARTisan", "Фрагмэнты", "Мастацтва" і іншыя. Выступаў аўтарам крытычных артыкулаў і публікацый да шматлікіх выставаў і арт-праектаў беларускіх мастакоў, напрыклад, для праекту «Не гледзячы ні на што» Руслана Вашкевіча ў 2014 годзе.