Канцэпцыя маёй працы найперш палітычная. Я хачу паказаць праблему Беларусі, дзе бандыты ва ўладзе робяць усё, каб ім было добра. Я быў сведкам таго, як шматлікіх добрых адмыслоўцаў і студэнтаў звальнялі, адлічвалі, высылалі з краіны ці саджалі ў турму, і ў той жа час усхвалялі «людзей», якія працуюць у праваахоўных органах, тых, хто робіць усю брудную працу, каб утрымаць злачынцаў у улады. Па гэтай прычыне я вырашыў зрабіць ганаровую дошку, якая выкарыстоўвалася за савецкім часам для паказу лепшых людзей. Сама праца складаецца з дзвюх частак. Колеры асноўнай часткі працы абраныя не проста так. Яны ілюструюць самы хворы каляровы кантраст для мяне (чырвоны і зялёны). У той жа час ён увасабляе сцяг сённяшняй Беларусі. Скура "людзей" зялёная, каб паказаць іх падабенства з расай оркаў з фантастычнага свету, дзе дурныя могуць толькі выконваць загады свайго начальства. Сам надпіс чорна-белы і нагадвае папярэджанне аб небяспецы на пачках цыгарэт, тым самым паказваючы тое ж самае, што гэтыя "людзі" таксама шкодзяць людзям, іх жыццю і здароўю.