Выбраныя даты:

27 жніўня 1962

Нарадзіўся ў Мінску ў творчай сям'і, маці - пісьменнік і мастак, бацька - мастак і дызайнер. Дзед жывапісца - легендарны Канстанцін Заслонаў, Герой Савецкага Саюза, выдатны арганізатар і кіраўнік падпольнага і партызанскага руху на тэрыторыі акупаванай Віцебскай вобласці ў гады Вялікай Айчыннай вайны. У горадзе Орша адкрыты Мемарыяльны музей Канстанціна Заслонава, а на прывакзальнай плошчы горада ўстаноўлены помнік герою. Аб ім напісаны кнігі, зняты кінафільмы.

1985

Скончыў Беларускі дзяржаўны тэатральна-мастацкі інстытут, цяпер акадэмія мастацтваў . Потым вучыўся ў творчых майстэрнях Акадэміі мастацтваў СССР у народнага мастака Міхаіла Савіцкага.

1990

Стаў членам Беларускага саюза мастакоў . З'яўляецца ўдзельнікам міжнародных і персанальных выставак.

• -

Мастак аб сваёй практыцы:

"Мае вобразы — з тэатра, са стылістыкі оперы, умоўнай, драматычнай, калі верыш і не верыш адначасова, я раблю нешта на грані "кітча" і "не-кітча", каб у людзей гэта выклікала адчуванне шчасця фізічна." Гэта, мусіць, правільна, гэта, у сутнасці, мэта мастацтва."