Выбраныя даты:

1903

Нарадзіўся ў Магілёве (Расійская Імперыя, зараз Рэспубліка Беларусь). Нарадзіўся ў беднай яўрэйскай сям'і. Скончыў 4 класы свецкай школы "Талмуд Тора".

1918

Сыходзіць добраахвотнікам у Чырвоную армію. Скончыў Ваенныя палітычныя курсы ў Петраградзе. Вучыўся ў мастацкай студыі Крунта (Чырвонаармейскі ўніверсітэт).

1923

Пасля дэмабілізацыі працуе ў Магілёве. Сканчае Рабфак мастацтваў. Паступае на графічнае аддзяленне Вхутэін (Вышэйшы мастацкі тэхнічны інстытут). Выкладчыкі - мастакі Уладзімір Фаворскі, Леў Бруні. Удзельнічае ў студэнцкіх выставах, выстаўляючы графіку і скульптуру.

1932

Сканчае інстытут са званнем мастака. Накіраваны на працу ў Менск. Узначальвае аддзел мастацкага афармлення кніжнай прадукцыі ў Беларускім дзяржаўным выдавецтве. Афармляе кнігі беларускіх і яўрэйскіх пісьменнікаў: Янка Маўр, Алесь Якімовіч, Ізі Харык, Якуб Колас, Мойшэ Кульбак, Пятро Панч і інш. Удзельнічае ў выставах жывапісу і графікі.

1936

Разам з дырэктарам і сямю рэдактарамі аддзелаў выдавецтва арыштоўваецца як член "контррэвалюцыйнай трацкісцкай групоўкі", якая нібыта існавала ў выдавецтве. Прыгавораны Спецкалегіяй Вярхоўнага суда БССР да 10 гадоў ІТЛ. Этапуецца ва Ухтпечлаг. Працуе там у тэатры і мастацкай майстэрні. Выконвае мастацкія і афарміцельскія работы.

1941

Адпраўлены на агульныя працы. Працуе ў кар'еры цагельні, грузчыкам на гіпсавым заводзе, тарфяных распрацоўках, лесапавале, адкатчыкам у нафташахце.

1943

Выклікаецца з шахты і накіроўваецца ў тэатр для афармлення спектакля К. Сіманава "Рускія людзі". Сем месяцаў працуе грузчыкам на гіпсавым заводзе. Вяртаецца ў мастацкія майстэрні і да вызвалення ў верасні 1946, працуе там.

1946

Вяртаецца ў Беларусь, без права пражывання ў Мінску. Прапісваецца ў мястэчку Пухавічы. Пасля звароту маскоўскіх і менскіх мастакоў у Вярхоўны Савет здымаецца судзімасць, дазваляецца пражыванне ў Менску. Супрацоўнічае ў часопісе "Вожык".

Сакавік 1949

Ізноў арыштоўваецца, утрымліваецца ў турме МДБ два месяцы і завочна прыгаворваецца Асобай нарадай МДБ БССР да пажыццёвай ссылкі ў Ігарку Краснаярскага краю. Займаецца афарміцельскай працай, малюе, піша.

1955

Дазволена вярнуцца ў Беларусь, без права жыць у Менску.

1956

Рэабілітуецца, справа закрываецца за "недаказанасцю". Супрацоўнічае ў часопісах і перыядычных выданнях. Працуе ў кніжнай і станковай графіцы. Выкладае мастацкае афармленне кнігі ў паліграфічным вучылішчы.

З 1957

Піша ўспаміны аб сваім жыцці. Публікуе апавяданне на ідыш аб грамадзянскай вайне "Рэйд на Лоеў" у маскоўскім часопісе "Савеціш Геймланд".

1971

Эмігрыруе разам з сям'ёй у Ізраіль. Супрацоўнічае ў часопісах і перыядычных выданнях, публікуе малюнкі і артыкулы. З поспехам праходзяць выставы ў Ізраілі і ў ЗША.

1993

Памёр у Тэль-Авіве.

творы

імёны