Выбраныя даты:

20 верасня 1966

Нарадзілася ў Ангрэне (УзССР, сёння Узбекістан).

З 1979

Жыве і працуе ў Менску.

2004

Аўтарка ідэі стварэння галерэі "Падземка" і яе са-ўладальніца (разам з Ганнай Чыстасердавай), дзе да 2009 працуе дырэктаркай, куратаркай і менеджэркай.

2009

Адразу пасля закрыцця галерэі "Падземка" разам з Ганнай Чыстасердавай і іншымі партнёркамі заснуе новую выставачную прастору – галерэю сучаснага мастацтва "Ў" (афіцыйнае адкрыццё адбылося ў кастрычніку 2009 года), дзе з'яўляецца дырэктаркай, а таксама куратаркай і менеджэркай многіх праектаў.

2004-2005 (і 2007)

Студэнтка завочнага аддзялення "Тэорыя і практыкі сучаснага мастацтва" Еўрапейскага Гуманітарнага Універсітэта ў Вільнюсе.

2011

Куратарскі праект (куратарская група: Валянціна Кісялёва, Аляксей Лунёў, Сяргей Шабохін) "Яна не можа сказаць НЕБА" быў адзначаны намінацыяй "лепшы праект замежнай галерэі АртВльнюс 11" (ЛітЭкспа, Вільня).

З 2014

З'яўляецца ўдзельніцай экспертнай рады рэсурсу ZBOR.

29 кастрычніка 2020

Галерэя сучаснага мастацтва "Ў" з-за палітычнай і эпідэміялагічнай прычын была зачынена.

2021

Разам з Ганнай Чыстасердавай заснавала ініцыятыву "Амбасада культуры".

З чэрвеня 2021

З-за сітуацыі ў краіне была вымушана пакінуць Беларусь і стала жыць і працаваць у межах стыпендый у Берліне і Познані.

імёны