Урач-псіхіятр вышэйшай кваліфікацыйнай катэгорыі, урач-псіхатэрапеўт. Сябра Беларускай псіхіятрычнай асацыяцыі, член Прэзідыума Беларускай псіхааналітычнай асацыяцыі, член Прэзідыума Беларускай псіхатэрапеўтычнай асацыяцыі. Аўтар 20 публікацый, у тым ліку пяці кніг, рэдактар трох навуковых зборнікаў.

Усё жыццё прапрацаваў у Рэспубліканскай клінічнай псіхіятрычнай бальніцы Мінска, дзе на працягу ўсёй прафесійнай дзейнасці збіраў калекцыю работ сваіх пацыента_к. Калекцыя ўпершыню экспанавалася ў Мінску ў красавіку 1991 года, некалькі разоў дэманстравалася на беларускім тэлебачанні (1990–1992). У 1997 годзе на аснове калекцыі самім В. Круглянскім быў падрыхтаваны макет альбома “Геніяльнасць або вар’яцтва?”.

Калекцыя Віктара Круглянскага была перададзеная для экспанавання яго сынам Ігарам. Памяшканне, дзе на працягу апошніх 20 гадоў захоўваліся працы, было затопленае. Большасць аб’ектаў калекцыі пацярпелі ад вады і вільгаці. Некаторыя з іх удалося выратаваць дзякуючы дапамозе Дзяржаўнага архіва Мінскай вобласці.