Аб'яднанне музеяў і ахоўных тэрыторый горада Полацка. Мэта існавання музея-запаведніка - у ахове гістарычнай тэрыторыі, захаванні, вывучэнні і рэстаўрацыі помнікаў, а таксама прыстасаванні іх пад музейныя экспазіцыі. Музейны фонд запаведніка падзелены на калекцыі: жывапіс, графіка, скульптура, народнае мастацтва, нумізматыка, археалогія, этнаграфія, шкло, фарфор, зброя, адзенне, мэбля, рукапісныя і старадрукі, дакументы, друкаваныя выданні, фота- і фонаматэрыялы і іншае. Самымі вялікімі калекцыямі з'яўляюцца калекцыі нумізматыкі, археалогіі, фотаматэрыялаў і друкаваных выданняў.
-
Выбраныя даты:
1968
Полацкі гісторыка-археалагічны запаведнік стаў філіялам Краязнаўчага музея.
1985
Запаведніку быў нададзены статус самастойнага музейнага аб'яднання.
1990
Прынята Пастанова "Аб Полацкім гісторыка-культурным запаведніку" і зацверджана Палажэнне "Аб Полацкім гісторыка-культурным запаведніку рэспубліканскага значэння".
1997
Прысвоена назва гісторыка-культурнага музея-запаведніка.
2004
Прысвоена назва Нацыянальнага Полацкага гісторыка-культурнага музея-запаведніка.
-
Структура:
Мастацкая галерэя;
Дзіцячы музей;
Краязнаўчы музей;
Музей беларускага кнігадрукавання;
Музей-бібліятэка Сімяона Полацкага;
Музей баявой славы;
Музей гісторыі архітэктуры Сафійскага сабора;
Музей-кватэра Героя Савецкага Саюза З. М. Тусналобавай-Марчанкі;
Музей традыцыйнага ручнога ткацтва Паазер'я;
Прыродна-экалагічны музей;
Стацыянарная выстава "Прагулка па Ніжне-Пакроўскай".
-
Акрамя музеяў у склад запаведніка ўключаны ахоўныя тэрыторыі Полацка:
Селішча і Гарадзішча (VI—VIII стст.);
Запалоцце (1 тыс. да н. э.);
Верхні замак з Сафійскім саборам (XI—XVIII стст.);
Ніжні замак з Валам Івана Грознага (XVI ст.);
Спаса-Праабражэнская царква з фрэскамі і падмуркі храма-пахавальні (XII ст.);
Комплекс былога Бельчыцкага (Барысаглебскага) манастыра (XII ст.);
"Домік Пятра I" (XVII ст.);
Комплекс былога езуіцкага калегіума з падпорнай сцяной (XVIII ст.);
"Цёплая" Еўфрасіннеўская царква (XIX ст.);
Крыжаўзвіжанскі сабор (XIX ст.);
Комплекс Богаяўленскага кляштара з саборам і брацкай школай (XVIII ст.);
Лютэранская кірха (пачатак XX ст.);
Чырвоны мост (XIX ст.).
-
Кіраўніцтва музея-запаведніка:
Тамара Джумантаева, дырэктарка
Таццяна Явіч, намесніца дырэктаркі па навуковай рабоце
Таццяна Арлова, намесніца дырэктаркі па будаўніцтве і рэстаўрацыі
Юлія Аўчыннікава, загадчыца навукова-рэстаўрацыйнага аддзела
Іна Песіна, галоўная захавальніца, аддзел фондаў
Анастасія Нямчынская, загадчыца экскурсійнага аддзела
Аксана Шафран, загадчыца рэстаўрацыйных майстэрняў