Мастачка, партрэтыстка, плакатыстка. Творчая спадчына мастачкі была адкрыта толькі да канца ХХ стагоддзя. Захавалася больш за 600 твораў жывапісу, графікі, ілюстрацый. Першая выстава, дзе экспанаваліся яе працы, адбылася ў 1989, калі ёй быў 91 год. Першая персанальная выстава адбылася толькі ў 1998 годзе.

Цяпер работы мастачкі захоўваюцца ў Нацыянальным мастацкім музеі Рэспублікі Беларусь (больш за 50 твораў), Віцебскім абласным краязнаўчым музеі, Музеі-сядзібе М. К. Рэрыха (в. Ізвара Валасоўскага раёна Ленінградскай вобласці, Расія), шматлікіх прыватных зборах за мяжой, большая частка – у яе ўнукаў у Мінску і Віцебску, ва ўнучатага пляменніка - у Маскве.