Выбраныя даты:

13 траўня 1933

Нарадзіўся ў хутары Белы калодзеж (СССР, цяпер Багучарскі раён, Варонежская вобласць Расійскай Федэрацыі). Пасля школы працаваў маляром па мастацкім аздабленні на жданаўскім заводзе "Азоўсталь".

1953

Паступіў на факультэт манументальнага жывапісу Львоўскага дзяржаўнага інстытута прыкладнога і дэкаратыўнага мастацтва (зараз Львоўская нацыянальная акадэмія мастацтваў).

1960

Пасля заканчэння інстытута працаваў мастаком-выканаўцам у творчай брыгадзе манументаліста Літоўчанкі ў Кіеве.

1961

Пераехаў у Мінск на запрашэнне Гаўрылы Вашчанкі, заснавальніка кафедры манументальна-дэкаратыўнага мастацтва Беларускага тэатральна-мастацкага інстытута (цяпер Беларуская дзяржаўная акадэмія мастацтваў).

1963-1970

Выкладаў жывапіс і кампазіцыю на кафедры манументальна-дэкаратыўнага мастацтва Беларускага тэатральна-мастацкага інстытута ў Мінску (БДАМ).

Адначасова актыўна займаўся творчасцю і арганізацыяй габеленавай вытворчасці ў БССР (цяпер Рэспубліка Беларусь).

1980

Быў прызнаны як Заслужаны дзеяч мастацтваў БССР .

1991

Атрымаў званне Народнага мастака БССР .

1994

Стварыў "Габелен стагоддзя" , які быў унесены ў Кнігу рэкордаў Гінеса як самы вялікі габелен у свеце.

11 лістапада 1997

Памёр і пахаваны ў Мінску на Усходніх могілках.