Для многіх чытачоў гісторыя Беларусі асацыюецца з дзясяткам падзеяў і некалькімі адрэстаўраванымі помнікамі, якія падтрымліваюцца ў добрым стане. Але калі адысці крыху ў бок ад пратаптаных турыстычных сцяжынак, можна ўбачыць помнікі архітэктуры, якія з дзіўнай сілай перадаюць слаўныя, уражлівыя і трагічныя старонкі гісторыі.

Адны падзеі ўжо не прапісваюць у падручніках, іншыя з часам забываюцца. Часам усё, што засталося - цэрквы і касцёлы, замкі і сядзібы. Аднак і яны сыходзяць у нябыт. Але ў стагоддзе біткоінаў і смартфонаў мы яшчэ можам бачыць артэфакты гісторыі.

Гэтыя архітэктурныя помнікі размешчаны не так далёка, як зоркі іншых галактык, аднак гэтак жа прыцягваюць погляды і розум сваімі гісторыямі і таямніцамі. У гэтым праекце мы прыадкрываем некаторыя з іх.