Вакальна-інструментальны ансамбль Чырвоны Баршчэўнік.
Быў заснаваны групай аднадумцаў з розных гарадоў Беларусі, якія наведвалі "Квір арт-майстэрні" ад праекта MAKEOUT. Праект быў створаны як прастора для неінстытуцыйнага мастацтва прадстаўніц уразлівых груп (ЛГБТК+, жанчын), якія даследуюць калектыўнасць, сэксуальнасць, гендэр, ідэнтычнасць з дапамогай мастацтва і арт-практык (цялесныя і арт-тэрапеўтычныя практыкі).
Таксама асноўным напрамак групы з'яўляецца перформанс, хэпэнінг, партысіпатарнае мастацтва.
Цяпер калектыў займаецца стварэннем лакальных супольнасцяў у Беларусі, дзе з дапамогай арт-практык удзельніцы ствараюць свае праекты, а затым існуюць як самастойныя групы. За апошнія два гады калектыў правёў больш за 5 працяглых майстэрняў у фармаце арт-тэрапеўтычнай групы, а таксама некалькі закрытых арт-рэзідэнцый. А таксама выпускае падкаст аб квір-мастацтве і культуры ў Беларусі, правах чалавека і творчасці "ДК Баршчэўніка".
У асноўным складзе ўдзельнічаюць: Юлія Мажэй, Артур Камароўскі, Яніс Саар, Яна Сарока. Першапачаткова ў складзе было больш удзельніц, у тым ліку Яня Зайчанка, Аня Ланец, Наташа Ганчарык і іншыя. Група існуе на прынцыпах гарызантальнасці і кансэнсусу. Калектыў працаваў у калабарацыі з праектамі DOTYK (Мінск), ТОК (Тальяці). Удзельнікі жывуць і працуюць у Беларусі і Польшчы.
