Спец-рэсурс/рубрыка даследчай платформы беларускага сучаснага мастацтва KALEKTAR, які прадстаўляе сабой часопіс пра мастацкія выказванні, створаныя за апошнія дзесяцігоддзі. Усе публікацыі/эсэ адмыслова ствараюцца беларускімі аўтарамі ў рамках дадзенага праекту і апісваюць канкрэтныя творы мастачак, калектываў і інстытуцый. ZBOR з'яўляецца адным з ключавых рэсурсаў платформы і інструментам, які дапамагае дадаткова канструяваць архіў.

-

Асноўная каманда рэсурса:

Заснавальнікі і кіраўнікі праекта: Сяргей Кірушчанка і Сяргей Шабохін.

Савет платформы: Таццяна Арцімовіч, Аляксей Барысёнак, Андрэй Дурэйка, Валянціна Кісялёва, Аляксей Лунёў, Лена Прэнц.

-

Выбраныя даты:

2014

Даследчая платформа сучаснага беларускага мастацтва KALEKTAR заснавана па ініцыятыве Сяргея Кірушчанкі, Аляксея Барысёнкі і Сяргея Шабохіна.

30 сакавіка 2015

Інтэрнет-партал kalektar.org быў распрацаваны Сяргеем Шабохіным і студыяй Hainter Active і афіцыйна прэзентаваны ў Мінску.

2015

Каманда платформы KALEKTAR падрыхтавала даследчы праект ZBOR. Гэты праект прадстаўляе 40 абраных твораў беларускіх мастакоў, створаных з 1980-х па 2014 год. Усе выбраныя творы з'яўляюцца аднымі з ключавых выказванняў, якія вызначылі ў той ці іншай ступені развіццё розных напрамкаў беларускага сучаснага мастацтва.

28 жніўня - 8 кастрычніка 2015

Маштабная даследчая выстава "ZBOR. Канструюючы архіў" і прэзентацыя платформы KALEKTAR і праекта ZBOR прайшлі ў Галерэі Арсенал у Беластоку. Куратары: Сяргей Шабохін і Сяргей Кірушчанка.

31 сакавіка – 6 мая 2016

Другая выстава-прэзентацыя прайшла ў Кіеве вясной 2016 года ў Фондзе ІЗАЛЯЦЫЯ пад назвай "ZBOR. Рух беларускага мастацтва". Куратары памяняліся, змяніўшы экспазіцыю і спосабы дэманстрацыі архіваў - імі сталі Андрэй Дурэйка і Максім Тымінько.

16 кастрычніка - 30 лістапада 2018

Куратары Андрэй Дурэйка і Максім Тымінько правялі трэцюю прэзентацыю маштабнага даследча-выставачнага праекта ZBOR пад назвай ZBOR in Progress у галерэі сучаснага мастацтва "Ў" у Мінску.

2020

Было прынята рашэнне і пачаты праект па рэарганізацыі платформы і партала пры падтрымцы партнёра платформы фонду Rönne Stiftung з Берліна. Праект ZBOR пераўтварыўся ў рубрыку часопіса KALEKTAR.