Мастачка.

Працуе ў станковым жывапісе і станковай графіцы, у жанрах пейзажа, нацюрморта, партрэта.

За 40 гадоў творчай дзейнасці мастачка напісала дзясяткі тысяч палотнаў, правяла больш за 500 выставак у Беларусі, а таксама Польшчы, Украіне, Вялікабрытаніі. Знакамітая яркімі прэзентацыямі сваіх выставак. На адну з іх мастачка склікала жыхароў Брэста ў выставачную залу конна на белым кані ў бальнай сукенцы, упрыгожанай жывымі ружамі.

Работы знаходзяцца ў брэсцкіх музеях і прыватных калекцыях шэрага краін Еўропы і Амерыкі.

Жыве і працуе ў Брэсце.