Работы выкананы ў рамках майго праекта "у пачатку былі толькі словы", у якім я адштурхваюся ад якой-небудзь фразы, якая на мяне ўздзейнічае тым ці іншым чынам. Я раблю штамп з гэтай фразы і шматслаёва натампаўваю яе да нечытэльнасці слоў, ператвараючы словы ў фарбу і малюнак. Часта працы дапаўняю алейнай фарбай (якая па сваёй прыродзе падобная заўсёды на жывую "плоць") дамагаючыся шуканага эфекту ўбудавання графічнага шрыфтавога напластавання ў "прастору погляду". Для гэтых працаў я знайшоў цытату з верша Янкі Купалы (які калісьці працаваў у гэтым раёне) «роднай нівы я мільённая часціна», таксама выкарыстоўваю фразу «яшчэ некалькі пластоў, і ты ўжо гэта не прачытаеш», якая ілюструе маю канцэпцыю і стратэгію. Дадзены аб'ект з бібліятэкай у пад'ездах здаўся мне прыдатным менавіта для гэтых фраз. Таксама ўвага забудоўшчыкаў да гісторыі самога месца сфармавала мой выбар каляровай гамы і сюжэт.

У кантэксце дадзенага памяшкання хацеў зрабіць максімальна абстрактныя пано, дзе толькі намёкамі пры жаданні глядач мог бы прачытаць усю «шматслойнасць» задумкі. Як варыянт аднаго з прачытанняў меркавалася дрэнна зафарбаванае графіці ў пад'ездзе напрыклад (для гэтага павялічыў шрыфт на адной з прац), але ў той жа час усё гэта каб нагадвала нейкі класічны жанр выяўленчага мастацтва. Зыходзячы з усяго вышэй сказанага палічыў залішнім даваць назву.