Навуковым называецца напрамак сучаснага мастацтва, у якім навуковыя канцэпцыі спалучаюцца з эмацыйным мастацкім вопытам. Мастацтва і навука адрозніваюцца падыходамі ў спазнанне свету, але маюць агульныя кропкі судотыку, напрыклад змены выкліканыя тэхналагічным прагрэсам. Навука ўяўляе чыста лагічную інфармацыю, вычышчаную ад эмоцый, якая атрымліваецца з дапамогай вымяральных прыбораў. Мастацтва ж апрацоўвае суб'ектыўную эмацыйную інфармацыю. Сінтэз гэтых двух падыходаў стварае творчы акт, які збірае новыя мастацкія выявы.

Адметнай рысай напрамку лічыцца выкарыстанне высокіх тэхналогій і навуковых адкрыццяў для больш глыбокага вывучэння навакольнага свету і стварэння твораў мастацтва. Мастакі ўключаюць у свой творчы працэс навуковыя спазнанні і знаходзяць новыя візуальныя формы. Часта працуюць з адкрыццямі ў галіне сучаснай біялогіі, фізікі і хіміі, а таксама выкарыстоўваюць прагрэс штучнага інтэлекту. Мастацкай майстэрняй выступае лабараторыя, што ўскладняе развіццё напрамку. Развіццё навуковага мастацтва абумоўлена інфармацыйнай глабалізацыяй.

Беларускі дуэт Домніч і Гелфанд (Эвеліна Домніч і Дзмітрый Гельфанд) працуюць у напрамку сайнс-арт. Выкарыстоўваючы веды хіміі, фізікі і філасофіі, ствараюць асаблівае асяроддзе для сэнсарнага і імерсіўнага ўспрымання сваіх фантастычных работ. Як мастацкія сродкі ў іх работах выкарыстоўваюцца вылучэнні і іншыя фізіка-хімічныя ўласцівасці матэрыі. Унікальныя інсталяцыі і перформансы дуэта дэманструюць працэсы, якія з'яўляюцца недаступнымі ў звычайных умовах. У 2012 годзе мастачкі і мастакі адкрылі сваю ўласную лабараторыю Synergetica у Амстэрдаме. Маюць досвед удзел у міжнародных выставах сучаснага мастацтва і працы з прэстыжнымі навукова-даследчымі лабараторыямі: Інстытут вібрацыйнай фізікі Гётынгенскага ўніверсітэта (Германія), Інстытут перадавых навук і тэхналогій (Японія), факультэт фізікі і астраноміі Амстэрдамскага вольнага ўніверсітэта (Нідэрланды) і іншае.