Фотакрытык Вольга Бубіч і фатограф Яўген Айцэцкі гутараць пра яго праект «Плошча перамен», прысвечаны салідарнасці, самаарганізацыі і двароваму актывізму, адным з цэнтраў якіх у 2020 годзе стала дзіцячая пляцоўка ў Мінску. У рамках праекту аўтар архівуе гісторыю беларускіх пратэстаў 2020-2021 гадоў і дапамагае захаваць гэтыя падзеі ў калектыўнай памяці беларусаў насуперак настойлівым намерам улады "перавярнуць старонку" і працягнуць жыць як раней.