Выбраныя даты:

16 сакавіка 1964

Нарадзіўся ў Мінску (БССР, сёння Рэспубліка Беларусь).

Рос у рускамоўным асяроддзі, але яшчэ ў школьныя часы захапіўся беларускай мовай і беларускай культурай, якой пачаў надаваць вялікую ўвагу.

1965-1985

Вучыўся ў дзіцячай народнай студыі выяўленчага мастацтва пры Палацы культуры тэкстыльшчыкаў у Мінску, якой кіраваў Васіль Сумараў.

1979-1983

Вучыўся і скончыў Мінскае мастацкае вучылішча (цяпер — Мінскі дзяржаўны мастацкі каледж імя А. К. Глебава).

Непрацяглы час уваходзіў у склад менскай нефармальнай моладзевай арганізацыі, якая мела назву «пацыфісты» (неахіпі), і пачаў з таго часу насіць доўгія валасы. Усе нефармальныя моладзевыя суполкі аж да распаду СССР знаходзіліся пад пільнай увагай КДБ ці міліцыі, таму за доўгія валасы быў аднойчы схоплены міліцыяй і меў непрыемнасці. Па ўласным прызнанні, Міхал своечасова перастаў цікавіцца "пацыфістамі", бо там прысутнічалі наркотыкі, і многія юнакі, хто своечасова не выйшаў з групы, на жаль, загінулі.

1982-1984

Удзельнічаў у маладзёжным грамадскім аб'яднанні "Беларуская Майстэрня". Прывёў Міхася ў абшчыну Тодар Кашкурэвіч. Пазней Міхаіл сам прывёў у "Беларускую Майстэрню" сваіх сяброў - Сяргея Харэўскага, Андрэя Лапцёнка і Юлію Лыскаву. Міхал Анемпадыстаў вельмі шанаваў вопыт і сувязі, атрыманыя ў абшчыне. У "Майстэрні" ён, па ўласным сведчанні, знайшоў для сябе тое, што цікавіла — магчымасць свабодна дакрануцца да беларускай мовы, гісторыі і культуры і жыць імі.

1983-1985

Прайшоў тэрміновую службу ва Узброеных сілах СССР.

З сакавіка 1987

Быў членам арт-лабараторыі "Галіна" (нефармальнай мастацкай групы) у Мінску, якая сваёй платформай аб'явіла "неакрытычны рэалізм як метад, накіраваны на бічаванне застойных з'яў у нашым грамадскім жыцці".

1989-1994

Працаваў мастацкім рэдактарам у беларускім часопісе "Бярозка", дзе рэалізоўваў сябе сумесна з такімі прадстаўнікамі беларускай культуры як Адам Глобус, Уладзімір Сіўчыкаў, Ігар Бабкоў, Максім Клімковіч, Аляксандр Бадак і інш.

З 1997

Быў членам Беларускага саюза дызайнераў, а з 2011 года членам яго праўлення.

1997

Выйшаў "Народны альбом", аўтарам якога ён з'яўляўся.

2004-2011

Быў членам журы фестывалю "Бардаўская Восень" (Бельск, Польшча).

2007

Быў членам журы рок-фестывалю Basowiszcza (Гродак, Польшча).

З 2009

Член Беларускага ПЭН-цэнтра.

2011

Дэбютаваў як фатограф, прэзентаваўшы фотавыставу Under Ground: у фатаграфіях засяродзіўся на беларускай гародніне, каб такім спосабам адкрыць больш глыбокае вымярэнне беларускай культуры. Выбар сваёй тэматыкі патлумачыў тым, што беларусы, як гародніна, хаваюць цікавыя рэчы ў сабе, не паказваюць іх па-за - нацыя паглыбленых у сябе людзей: выглядаюць звычайна, а ўнутры фантастычныя - пад запэцканай (ад глебы) лупінай бульбы схавана "залатое сонца".

З 30 студзеня 2013

Вёў аўтарскую калонку "Простыя рэчы" на сайце грамадскай кампаніі "Будзьма беларусамі!", дзе разважаў пра штодзённыя і адначасова элітарныя праявы беларускай культуры і культуры ўвогуле.

23 студзеня 2018

Памёр у Менску.

З 2019

У яго гонар уведзена Прэмія імя Міхаіла Анемпадыстава – за лепшую кніжную вокладку для беларускай кнігі. Сузаснавальнікамі і партнёрамі прэміі з'яўляюцца Беларускі ПЭН-цэнтр, Беларускі саюз дызайнераў, Лятучы ўніверсітэт, H&L Group, Фонд "Адкрытая культура" і тэлеканал "Белсат".

-

Дызайн:

Быў дызайнерам вядомых лагатыпаў — у тым ліку, лагатыпа беларускай грамадска-культурнай кампаніі "Будзьма беларусамі!", беларускага рок-фестывалю "Басовішча-2007" і "Басовішча-2008" і інш.

Стаў аўтарам ілюстрацый для кнігі Сяргея Вітушкі "Дзін-дзілінь: час гуляць у казкі" (2011) і інш. Аўтар альбомных вокладак для CD-дыскаў гурта NRM, гурта "Партызанская школа", спевака Змітра Вайцюшкевіча і інш.

-

Літаратура:

Член Беларускага ПЭН-цэнтра.

Пачынаючы з 1990-х гадоў Міхал Анемпадыстаў быў адным з актыўных стваральнікаў беларускай рок-паэзіі. Аўтар ідэі і тэкстаў (акрамя двух народных) культавага беларускамоўнага музычнага праекта – рок-мюзікла "Народны альбом", які выйшаў у 1997 годзе і быў выбраны "альбомам года" (у музычнай прэміі "Рок-каранацыя"). Менавіта стварэнне "Народнага альбома" Міхась лічыў сваім галоўным дасягненнем у жыцці, бо гэты праект паўплываў на цэлае пакаленне беларускай моладзі.

Песні на вершы Міхаіла Анемпадыстава выконваюцца беларускімі музычнымі гуртамі "Новае Неба", NRM, "Нейра Дзюбель", IQ48, спявачкай Касяй Камоцкай.

Аўтар перакладаў тэкстаў польскіх музычных гуртоў Brygada Kryzys, Republika, Chlopcy z Placu Broni, Perfekt, а таксама Марка Грэхуты.

Напісаў кнігу "Колер Беларусі" — пра тое, як выкарыстоўваўся той ці іншы колер у традыцыйнай культуры Беларусі. Міхал Анемпадыстаў лічыў, што менавіта шэры колер займаў значнае месца ў традыцыйнай сялянскай і шляхецкай культуры Беларусі.

имена