Карпаратыўная калекцыя ААТ "Белгазпрамбанк" з'яўляецца часткай і асновай праекта "Арт-Беларусь", які прадстаўляе сабой сайт і галерэю.
Мэта праекта - вяртанне твораў прадстаўнікоў Парыжскай школы - ураджэнцаў Беларусі - на радзіму сваіх стваральнікаў, а таксама паказаць працэс развіцця культуры Беларусі ва ўсёй яго паўнаце і бесперапыннасці. На базе галерэі сфарміравана ўстанова культуры, якая як новая юрыдычная асоба самастойна займацца творчымі і арганізацыйнымі пытаннямі . У галерэі выстаўлена больш за 50 шэдэўраў знакамітых ураджэнцаў Беларусі: Марка Шагала, Хаіма Суціна, Лявона Бакста, Фердынанда Рушчыца, Осіпа Цадкіна і інш. У карпаратыўнай калекцыі Белгазпрамбанка налічваецца больш за 110 рарытэтаў. Яе называюць самым буйным зборам прац экспрэсіяністаў Парыжскай школы не толькі ў Беларусі, але і ва Ўсходняй і Цэнтральнай Еўропе.
Віктар Бабарыка падкрэсліваў: "Важны не сам факт фізічнага вяртання артэфактаў у краіну, а тое, што яшчэ шэсць незаслужана забытых імёнаў папоўнілі нашу калекцыю. І зараз, аглядаючыся на трыццацігадовую гісторыю Белгазпрамбанка, можна ўбачыць, што ўзаемадзеянне з грамадствам і развіццё культурных праектаў заўсёды былі для нас прыярытэтам."
У 2020 годзе, сувязі з падзеямі ў краіне, 146 карцін галерэі "Арт-Беларусь" былі арыштаваны. Гэта выклікала вялікую незадаволенасць у культурнай супольнасці. Праз два дні пасля галерэя "Арт-Беларусь" адкрылася з QR-кодамі на сценах замест карцін - кожны адпраўляў на сайт, дзе можна было паглядзець працу. 1 ліпеня тут прайшоў перфоманс "Набытак". Каля 20 дзеячак культуры прымацавалі да футболак выявы карцін і цэлы дзень стаялі каля месцаў, дзе гэтыя карціны віселі раней. Ідэя акцыі належыць Надзеі Саяпінай.