Мастак, дызайнер.

З 1978 года працаваў сумесна ў дуэце з Сяргеем Войчанкам. Міжнародную вядомасць тандэм набыў перш за ўсё ў галіне плаката (больш за 30 узнагарод міжнародных конкурсаў і біенале).

Сёння Уладзіміра Цэслера лічаць вядучым дызайнерам у Беларусі, дзе ён карыстаецца славай мастака, універсальнага ў стварэнні мастацкай канцэпцыі і тэхналогіі, якая адпавядае ёй, практычна ў любой сферы, ад плаката, які вось ужо доўгія гады з'яўляецца фаварытам аўтара, да жывапісу і прамысловага дызайну. Вастрыня постмадэрнісцкай іроніі, суаднесенай з кантэкстам, культурай і часам з'яўляюцца яго фірмовым прыёмам.

Шырокую вядомасць набыў "Праект стагоддзя. 12 з ХХ" Уладзіміра Цэслера і Сяргея Войчанкі, у якім дванаццаць самых значных мастакоў XX стагоддзя былі прадстаўлены ў выглядзе яек.

Жыве і працуе ў Менску.