Фундацыя Kut - някамерцыйная арганізацыя з Познані (Польшча), што стварае прастору для творчасці, дыялогу і захавання культурнай спадчыны ў сучасным кантэксце. Яе дзейнасць засяроджваецца на пераасэнсаванні і рэінтэрпрэтацыі беларускай культуры, пераносячы яе ў месцы, якія не займаюцца мастацтвам у традыцыйным разуменні, але часта спрыяюць інтэграцыі лакальных супольнасцей праз мастацтва.

Прастора Фундацыі — гэта месца эксперыменту, а мэта арганізацыі — ствараць такую культуру, якая служыць людзям, а людзі сваёй актыўнасцю, ведамі і досведам служаць фарміраванню новай беларускай культуры, адкрытай да дыялогу і сучасных форм самавыяўлення.