Вольны хор быў створаны як форма пратэсту супраць фальсіфікацыі прэзідэнцкіх выбараў. Калектыў складаецца з прафесійных артысто_к - музыка і спявак, якія вырашылі змагацца з беларускім рэжымам метадам так званай "музычнай партызаншчыны".

Палітычная сітуацыя ў Беларусі і рэпрэсіі ў дачыненні да шматлікіх удзельніц хору вымусілі калектыў выехаць з Беларусі. Цяпер "Вольны хор", які стаў адным з сімвалаў беларускай рэвалюцыі годнасці, жыве ў Варшаве і выступае ў сталіцы і іншых гарадах Польшчы. Хор выконвае беларускія песні і гімны. Напісаныя больш за 100 гадоў таму, часам забытыя, невядомыя шырокай публіцы, яны гучалі падчас беларускіх пратэстаў упершыню. Сёння сучасныя кампазітары пішуць творы спецыяльна для гэтага калектыву. "Вольны хор" дапамагае самім беларус_кам, але таксама ўсяму свету глыбей спазнаць і зразумець Беларусь.