Інфармуем аб новым на INDEX : эксклюзіўны фемінісцкі часопіс pARTisanka, дакументы УНОВИСа, Vita Nova і "Формы", партфоліё Ігара Саўчанкі і іншых аўтара:к.
Вокладка часопіса pARTisanka, №34, 2019 / © – дызайн нумара: Антаніна Слабодчыкава / © – на вокладцы фрагмент працы Тамары Сакаловай
Таня Арцімовіч – галоўная рэдактарка часопіса pARTisanka прадставіла нумар часопіса ў выглядзе pdf-файла, які цяпер даступны анлайн на нашым сайце. Гэта спецпраект альманаха і медыяпраекта pARTisan . Спец-нумар pARTisanka стаў яго ўжо 34-ым выпушчаным часопісам. Нумар унікальны: над ім працавалі рэдактаркі, даследчыцы, аўтаркі і мастачкі, якія прадставілі ў нумары мноства важных матэрыялаў і тэкстаў для фемінісцкага развіцця беларускага мастацтва.
Буклет аб'яднання "Форма", 1989
З іншых каштоўных дакументаў мы апублікавалі буклет асацыяцыі Форма 1989 года, фотаздымкі і дакументы УНОВІС , некаторыя выставы і дакумэнты менскай галерэі першай паловы 90-х Vita Nova і іншае.
© Ігар Саўчанка: схема з тэкстуальнага твора Тугія косы / 2020
Мы таксама даследвалі насычаны творамі сайт Ігара Саўчанка , размясціўшы на нашым рэсурсе большасць прац адтуль. Ад фатаграфічных практык мастак адмаўляўся некалькі разоў, і зараз метадычна стварае тэкстуальныя і канцэптуальныя творы, перыядычна ўключаючы ў іх малюнкі-схемы, лічбавую фатаграфію, аб'екты, гук, музыку і відэа.
Да нашай каманды далучыліся новыя аспірант:кі і валанцёр:кі, якія дадаюць у энцыклапедыю адсутныя імёны, тэрміны, падзеі, дакументы і творы. За апошнія тыдні было дададзена больш за 100 новых тэрмінаў. Напрыклад, старонкі і партфоліё Аляксандра Васюковіча , Марыi Камаровай , Васіля Шугалея , Мiхаила Гаруса і многіх іншых.