Дуэт Эвяліны Домніч і Дзмітрыя Гельфанда.

Творы дуэта Дзмітрыя Гельфанда (нарадзіўся 1974 у Санкт-Пецярбургу) і Эвяліны Домніч адносяцца да art-science або навуковага мастацтва, адной з найноўшых плыняў у сучасным мастацтве. Ад сваіх калег, прадстаўнікі навуковага мастацтва адрозніваюцца тым, што для стварэння мастацкіх твораў яны пераасэнсоўваюць змест сучаснай навукі і выкарыстоўваюць даследчыя метады. Для гэтага мастакі супрацоўнічаюць з вучонымі і навуковымі лабараторыямі.

Іх працы ўяўляюць сабой сімбіёз мастацтва, фізікі, хіміі, інфарматыкі, філасофіі і фенаменалогіі. Вынікі доследаў, асабліва ў дачыненні да хвалевых з'яў, выкарыстоўваюцца мастакамі, каб даследаваць пытанні ўспрымання.

Пачынаючы з 2000 года, Домніч і Гельфанд працуюць з сучаснай навукай пры дапамозе незвычайных эксперыментаў, бо навуковыя веды, як яны сцвярджаюць, рэзка страчваюць сувязь з інтэлектуальнымі і творчымі працэсамі ў грамадстве. Пры дапамозе сваіх работ мастакі спрабуюць звярнуць нашу ўвагу на фізічныя з'явы, якія чалавек назірае і адчувае непасрэдна, такія як гук ці святло. Так у іншым сваім творы, Camera Lucida, яны паказваюць гук у выглядзе святлівых палёў, прапускаючы яго праз акварыум з вадой, дзе гукавыя хвалі становяцца бачнымі ў патоках калапсуючых мікра бурбалак паветра.

Творчасць Домніч і Гельфанда шмат у чым грунтуецца на ідэях фенаменалогіі і візуальнай тэорыі. Дуэт прапануе альтэрнатыўны варыянт пастаноўкі навуковых пытанняў, у якім пачуццёвы досвед папярэднічае стварэнню тэарэтычных мадэляў, а не наадварот, як гэта часта адбываецца ў тэарэтычнай фізіцы. Яны таксама прапануюць выкарыстоўваць у падручніках і навукова-папулярных часопісах сапраўдныя выявы фізічных з'яў, замест іх камп'ютарных аналагаў.

-

Спасылкі:

Персанальны сайт дуэта.