Новая ілюстраваная манаграфія прафэсара Міхася Раманюка "Беларускія народныя крыжы" рыхтавалася на працягу 25 гадоў дасьледаваньняў і вандровак па ўсіх рэгіёнах Беларусі. Міхась Раманюк (1944-1997) сабраў мноства зьвестак пра беларускія крыжы, надмагільлі і пахавальна-памінальны абрад. На падставе гэтых дакумэнтаў ім зроблена поўная сыстэматызацыя й клясыфікація гэтых матэрыялаў, апісаныя ўсе формы і функцыі крыжоў, месцы іх устаноўкі. Манаграфія зьмяшчае 303 фотаздымкі і 83 графічныя малюнкі.
Падрыхтоўка выданьня, падбор ілюстрацыяў і макет: Дзяніс Раманюк
Пераклад на ангельскую мову: Марыя Шупа