Выбраныя даты:

Нарадзілася ў Менску (БССР, Рэспубліка Беларусь).

1997-2002

Вучыцца ў Мінскім мастацкім ліцэі №26.

2002-2009

Вучыцца ў Беларускай дзяржаўнай акадэміі мастацтваў (кафедра графікі).

З 2010

Пачынае весці мастацкую дзейнасць.

З 2015

Рэдактарка энцыклапедыі INDEX.

2012

У галерэі сучаснага мастацтва "Ў" быў прэзентаваны персанальны праект мастачкі Inciting Force. Праект быў поўнасцю прысвечаны аналізу ўзаемаадносін мастачкі са сваім бацькам. На спецыяльна выбудаваных у галерэі шырмах, экспанаваліся прадметы з сямейнага архіва, асабістыя рэчы бацькі, а таксама створаныя працы ў выглядзе персанальнага музея. На выставе Жана Гладка прадставіла дзясяткі твораў: дзіцячыя фатаграфіі і відэа, якія фіксуюць, як бацька навучае яе стральбе са стрэльбы, рыбнай лоўлі і ваджэнню аўтамабіля; дакументацыю акцыі, для якой яна спусташае бацькоўскія паляўнічыя патроны, высыпаючы з іх порах; твор на тканіны і аўдыёпрацу, дзе яна знішчае дзеясловы ў пакінутых для яе бацькам інструкцыях; аўтапартрэты ў адзенні бацькі і многае іншае. Адной са схаваных мэт выставы стала спроба мастачкі справакаваць сілу не толькі ўнутры сябе, але і ў бацьку, каб разам пераадолець крызіс у адносінах.

Пачатак 2015

Праект Inciting Force атрымаў нечаканы працяг, калі бацька мастачкі знішчыў яе піяніна, на якім яна грала ў дзяцінстве. Жанна Гладка выставіла інсталяцыю, якая ўключае відэа-фіксацыю разбуральнага акта, агучанага захаванымі дзіцячымі аўдыёзапісамі ігры на гэтым інструменце, а таксама астатнія дэталі і зроблены бацькам з драўляных частак піяніна столік.