Творчая незалежная супольнасць трох мастакоў: Міколы Бушчыка (Бу), Анатоля Кузняцова (Ку) і Міхаіла Барздыкі (Б). Усе яны выкладалі на кафедры малюнка і жывапісу архітэктурнага факультэта Беларускага політэхнічнага інстытута.

Мастакі з-за адсутнасці іншых магчымасцей экспанавалі свае творы ў грамадскіх установах (фае кінатэатраў, бібліятэк, выдавецтваў і да т.п.). Галоўная асаблівасць творчасці калектыву быў адыход ад рэалістычных і апавядальных прыёмаў у бок чыста фармальных, каларыстычных і ўмоўных задач.