У закрытай намінацыі ўдзельнічалі праекты беларускіх фатографаў, якія прынялі ўдзел у адукацыйна-ментарскай праграме фестывалю PhotoArtDoc. На працягу некалькіх месяцаў удзельнікі праграмы працавалі ў 3-х групах, у кожнай з якіх быў свой ментар. У якасці ментараў былі запрошаныя беларускія фатографы, якія валодаюць вялікім досведам у дакументальнай і праектнай фатаграфіі: Сяргей Гудзілін, Кацярына Кузьмічава і Таццяна Ткачова. Па выніках гэтай праграмы ўдзельнікі стварылі праекты, тэмы якіх былі ў той ці іншай ступені звязаны з беларусамі і жыццём беларусаў. Частка праектаў былі завершаны за час праграмы, частка - доўгатэрміновыя і ў рамках праграмы быў прадстаўлены прамежкавы вынік.

Адкрытая намінацыя конкурсу PhotoArtDoc`24 і тэма СВАЁ МЕСЦА прыцягнулі ўвагу фатографаў з 40 краін свету.

Члены журы конкурсу: Артур Бондар (Украіна/Германія), Сяргей Гудзілін (Беларусь/Літва), Майра Дударава (Латвія), Кацярына Кузьмічава (Беларусь/Польшча) і Таццяна Ткачова (Беларусь/Германія).