Ключавая тэма першага года - Адкрыццё. З геапалітычнай пазіцыі Беларусь пачала адкрывацца для замежных наведвальнікаў. Краіна ў некаторай меры выходзіць са сваёй ізаляцыі і спрабуе весці дыялог са светам - адкрываецца. Для перформанс-арта і боды-арта Адкрыццё - адно з асноўных выразных сродкаў, якія даследуюць прынцыпы будовы нашых тэл. Значным складальнікам фестывалю з'яўляецца нетворкінг – маста:чкі з розных краін раскажуць пра свой творчы працэс і кантэкст прэзентаванага. Фестываль даступны шырокаму спектру гледач:ак. З аднаго боку, ён робіць магчымым сустрэчы паміж мясцовымі і замежнымі маста:чкамі, з другога боку дае публіцы магчымасць бліжэй пазнаёміцца ​​і апрабаваць у значнай меры невядомае і перыферыйнае ў Беларусі медыя.