Устаноўлены ў гонар воінаў-бабруйчан, якія загінулі пры выкананні інтэрнацыянальнага абавязку ў розных краінах свету. На гранітным пастаменце помніка размешчана зорка, паміж промнямі якой выгравіраваны прозвішчы 17 воінаў, на другім баку пастамента - назвы краін, у якіх воіны-землякі выконвалі інтэрнацыянальны абавязак: Егіпет, Паўночная Карэя, В'етнам, Афганістан. Да кампазіцыйнага цэнтра прымыкаюць скульптурныя выявы 6 жаночых фігур, якія смуткуюць па загінуўшых родных. Над іх галовамі ўзнімаюцца касмічныя зоркі, як сімвал неўміручасці загінуўшых.